العياده النفسيه :كوندى

العيادة النفسية .. تقدم لكم
# كونداليزا رايس #

( نجمة الاغراء الاولى فى البيت الابيض)


* blue: هاى كوندى ..
- كوندى : ازيك يا عسل .

*blue : اخبار الشغل اية ؟
- كوندى : انى شغل فيهم ؟
* blue: يعنى الخارجية و شركة البترول .. وكدة يعنى؟
- كوندى : أة كنت فاكرة حاجة تانية .. دماغى راحت لبعيد ..اصلى عارفاكو يا بتوع السيكولوجى انتو !!
* blue : يا جميل انا اقدر ازعلك ..
# افتكرت اننا فى ايام مفترجة فسكت#
- كوندى : طيب ... ياريت تنجز .. انا مش فاضية ... ورايا هم العالم كلة يا قوقازى انت ...
# قوقازى ؟!!! طب و الله لا اوريكى #
* blue: من فضلك ياريت تحسنى الفاظك ... لان قرآء المنتدى دة ناس محترمة .. مش متربين فى حوارى شيكاغو .. اية رأيك نتكلم جد بقا شوية ؟ ..

- كوندى : يكون احسن ..
* blue: اتفضلى على الشيزلونج ..
- كوندى : مش منقولة من هنا !!!
* blue : انتى فاكرة نفسك قاعدة فى العراق ؟.
- كوندى: احب احط رجل على رجل احسن و اقعد على الكرسى .. بحس بإسترخاء كدة اكتر ..
* blue : وكمان علشان تحسى انك دايما متأهبة .. مش كدة ؟
- كوندى: بمعنى ؟!!
* blue :متأهبة لاى كلمة ... او هجوم .. او استفزاز ...
- كوندى : لا انا هادية جدا ..
(مقاطعها)
* blue :بس انا اعرف العكس .. دة مش فى البيت الابيض بس .. لكن كمان فى رئاسة مجلس ادارة شركات البترول ..
- كوندى : ممكن .. بس انا طول عمرى هادية ..
* blue :تقصدى لما استفزك استاذك فى الجامعة وقالك : ( ذكائك ايتها السوداء اقل من زملائك البيض) ؟.
# نظرت الى بحنق و رأيت الدم فى وجهها #


.. و قالت بغضب :
- كوندى : فعلا انا مردتش علية .. لكن نتيجتى فى الجامعة هى اللى اثبتت ذكائى .
*blue : تقصدى لانك قدرتى تتخرجتى من الكلية وعندك (19) سنة ؟ .
- كوندى : ايوة .. تعرف انها وقتها لاول مرة احس بالانتصار .. على الكل .. مش على الاستاذ بس !!
* blue :(الكل) .. هنا قصدك بيها الاسرة كمان ؟ .
-كوندى : صحيح الوالدين مكنوش يتوقعوا ليا النجاح فى الدراسة ..بس انا اثبت العكس .. !!
* blue :مش بس عدم التوقع بالنجاح .. دة الفشل يا كوندى ... انتى ناسية انك مكنتيش بتعرفى تعملى حاجة فى الدنيا غير انك تتزحلقى على الجليد و البالية ؟
- كوندى : المهم انى اثبت العكس .. المهم انا مين دلوقتى ..
انتى هتقوليلى ؟ .. دة انتى موقفة العالم على رجل يا قادرة .. المهم ما علينا : blue

* blue :بس دة معناة ان كل نجاحاتك لتحقيق الذات .. و ليس من اجل تحقيق هدف عام ..
- كوندى : نجاحى معناة نجاح شغلى ... و لما ينجح شغلى ابقا انا نجحت .

( صورة تم تمريرها من الرقابة )

* blue : يعنى لما شركة البترول بتاعتك انتى و وبوش و تشينى تاخدوا بترول العراق يبقا انتى كدة نجحتى ؟!!!
- كوندى : احنا مخدناش بترول حد .. دى فاتورة حرب التحرير .. امال انتو عايزنا نحرركوا (فرييى) ؟ ..
* blue:طب مين اللى هيدفع فاتورة فيتنام ؟
- كوندى : انا اللى غلطت و قعدت مع واحد افكارة ارهابية زيك !!
# طب طالما باظت .. يبقا اخد راحتى #
* blue :انتى بتغسلى وشك كام مرة فى اليوم يا كوندى؟!!



- كوندى : مرتين ... قبل الميك آب (انتى محتاجة مية نار علشان تطفى قبح شرك).. و مرة قبل النوم .

* blue: تصورى ان الارهابيين المسلمين رجليهم انضف من وشك يا كوندى .. تصورى بيغسلوها خمس مرات فى اليوم ؟
نييييهاههههاااااا# ضحكت ضحكة اسطورية .. زى لاشباح اللى فى القصور القديمة #
- طول عمركو مغرورين .. و بعدين يلا بقا امشى من هنا .. احنا جايين لكو بنفسنا يا حبيبى !!!!
* blue :طب سؤال اخير قبل ما امشى يا كوندى !!انتى لية مجوزتيش لحد دلوقتى ... لسة الاستاذ اياة معقدك من الرجالة ؟ .
- كوندى : تفتكر انى بعد ما وصلت للى انا فية .. افكر فى راجل تانى ؟ دة مبقاش فى ادنى اهتماماتى !!

* blue :راجل تانى !! .. هو كان فى اولانى ؟مكنتش اعرف ان الموضوع كبير اوى كدة !!يعنى الحكاية ملهاش علاقة بالاستاذ اللى معقدك من الرجالة ؟!
# بصيت لى .. ومردتش #
* blue :اما انة استاذ ارهابى و متطرف صحيح .. اهو كدة كل الارهابيينو المتطرفين معقدينك !!
- كوندى : بس انتو لا يا حبيبى ...
* blue :طب دقنى اهى لو ممشتيش متعقدة اكتر ما انتى يا كوندى !!
bye ... Condy